Margrét er sálfræðingur hjá Mín líðan og býður upp á sálfræðiþjónustu fyrir fullorðna. Hún hefur sérstakan áhuga á að aðstoða þá sem glíma við samskiptavanda, lágt sjálfsmat, almenna kvíðaröskun og þunglyndi. Margrét notar aðeins gagnreyndar aðferðir í að draga úr sálrænum vanda.
Margrét beitir aðeins gagnreyndum aðferðum við greiningu og meðferð og styðst fyrst og fremst við hugræna atferlismeðferð (HAM). Samhliða starfi sínu hjá Mín líðan starfar Margrét sem sálfræðingur hjá Heilsugæslu höfuðborgarsvæðisins í Geðheilsuteymi vestur. Margrét veitir sálfræðiþjónustu við hvers konar sálrænum vanda, en hefur sérstakan áhuga á að aðstoða þá sem glíma við samskiptavanda eða einkenni almennrar kvíðaröskunar, þunglyndis og lágs sjálfsmats.
Margrét hefur starfað sem löggiltur sálfræðingur frá árinu 2018 og lauk MS prófi í Hagnýtri sálfræði: Klínískri sálfræði sama ár. Hún hlaut starfsþjálfun hjá Geðhvarfateymi Landspítalans. Margrét lauk B.Sc. prófi í sálfræði frá Háskóla Íslands árið 2015 og er þar að auki með diplómagráðu í Afbrotafræði frá Háskóla Íslands sem hún lauk árið 2016.
Margrét hefur unnið sem sálfræðingur hjá Mín líðan frá janúar 2022 þar sem hún sinnir fjarviðtölum. Hún hefur starfað í Geðheilsuteymi vestur hjá Heilsugæslu höfuðborgarsvæðisins (HH) frá september 2018 þar sem hún hefur sinnt málstjórn, einstaklingsmeðferð, fræðslu, kynningum, þýðingum og meðferðarhópum. Geðheilsuteymið er þverfaglegt teymi rekið eftir verklagi FACT teyma (flexible assertive community treatment) og er annars stigs þjónustuúrræði innan HH.
Áður hefur hún starfað í Vettvangs- og ráðgjafateymi Reykjavíkurborgar (ACT teymi), Gistiskýlinu á Lindargötu, Konukoti og sem vaktmaður og ráðgjafi á Hringbraut þar sem einstaklingum með miklar og flóknar þjónustuþarfir var veitt húsnæði og stuðningur í samræmi við hugmyndafræði um skaðaminnkun og Húsnæði fyrst (Housing first). Einnig hefur Margrét starfað við þýðingar á verklagi og fræðsluefni um félagsleg og heilsutengd málefni. Hún starfaði einnig hjá Hagstofu Íslands sem spyrill í rannsóknum.
Margrét hefur sinnt endurmenntun samfara starfi sínu og setið eftirfarandi vinnustofur og námskeið:
Lesblinda: Birtingarmynd hennar á sjálfsmatskvarða borin saman við mælingu á lestrarframmistöðu. Skýrt afmarkaður hópur, undirhópar eða vídd lestrarerfiðleika? 2015.
Tengsl sjálfstjórnar í námi, farsæls þroska og námsframvindu 10-12 ára barna: Niðurstöður 3 ára langtímarannsóknar. 2018.
Birt rannsóknargrein – 4.apríl 2017 í Scientific Reports: Sigurdardottir, H.M., Danielsdottir, H.B., Gudmundsdottir, M. et al. Problems with visual statistical learning in developmental dyslexia. Sci Rep 7, 606 (2017). https://doi.org/10.1038/s41598-017-00554-5.
Hægt er að hafa samband við Margréti með því að senda tölvupóst á margret@minlidan.is.
