Alida Ósk er sálfræðingur hjá Mín líðan og býður upp á sálfræðiþjónustu fyrir ungmenni og fullorðna. Alida hefur mikla reynslu af ADHD greiningum hjá fullorðnum, en hún starfaði áður á geðsviði Landspítala. Alida beitir gagnreyndum aðferðum í að draga úr sálrænum vanda og hefur sérstakan áhuga á meðferð við ADHD og kvíðaröskunum (s.s. félagskvíða og almennri kvíðaröskun).
Alida beitir aðeins gagnreyndum aðferðum við greiningu og meðferð og styðst fyrst og fremst við hugræna atferlismeðferð (HAM). Hún hefur reynslu af því að veita sálfræðimeðferð við einkennum ADHD sem er eitt af hennar sérfræðisviðum. Alida veitir sálfræðiþjónustu við hvers konar sálrænum vanda, en hefur sérstakan áhuga á að aðstoða þá sem glíma við ADHD og kvíðaraskanir.
Alida hefur starfað sem löggiltur sálfræðingur frá árinu 2017 og lauk Cand. Psych í klínískri sálfræði sama ár. Hún fékk starfsþjálfun hjá göngudeild geðsviðs Landspítalans þar sem hún sinnti greiningu og meðferð á sálrænum vanda hjá fullorðnum. Hún hlaut einnig starfsþjálfun hjá Sálfræðiráðgjöf háskólanema. Hún lauk B.Sc. prófi í sálfræði frá Háskóla Íslands árið 2012 og stúdentsprófi frá Verzlunarskóla Íslands árið 2009.
Alida hefur unnið sem sálfræðingur hjá Mín líðan frá 2020 þar sem hún sinnir fjarviðtölum. Áður starfaði hún hjá geðsviði Landspítalans þar sem hún sinnti greiningu og meðferð fullorðinna, sérstaklega við einkennum ADHD. Hún starfaði áður sem sérkennari í leikskóla við atferlismótun og á sambýli fyrir fólk með geðfötlun.
Alida hefur farið á þrjú námskeið sem eru hluti af sérfræðinámi í hugrænni atferlismeðferð á Íslandi, þ.e. vinnustofur við almennri kvíðaröskun, áráttu- og þráhyggjuröskun og geðrofsröskunum.
Hægt er að hafa samband við Alidu Ósk með því að senda tölvupóst á alida@minlidan.is.
