FJARGEÐHEILBRIGÐISÞJÓNUSTAN MÍN LÍÐAN
Um okkur
Mín líðan hefur veitt sálfræðiþjónustu á netinu frá árinu 2018 og þar starfa tíu löggildir sálfræðingar. Byrjað var að bjóða upp á 10 tíma staðlaða sálfræðimeðferð á netinu þar sem öll samskipti við sálfræðing fara fram með skrifuðum texta. Árið 2019 byrjaði Mín líðan að bjóða upp á fjarviðtöl, sem eru hefðbundin sálfræðiviðtöl í gegnum netið. Árið 2022 var 5 tíma netnámskeiði við streitu bætt við. Mín líðan var fyrsta íslenska fjarheilbrigðisþjónustan sem fékk leyfi til reksturs frá Embætti landlæknis.
Tanja Dögg Björnsdóttir framkvæmdastjóri og sálfræðingur
Tanja Dögg er stofnandi, framkvæmdastjóri og sálfræðingur hjá Mín líðan. Tanja sinnir greiningu og meðferð sálræns vanda hjá ungmennum og fullorðnum og notar aðeins gagnreyndar meðferðir. Hún hefur sérstakan áhuga á að aðstoða þá sem glíma við félagskvíða, þunglyndi og lágt sjálfsmat, hafa gengið í gegnum áföll og þá sem upplifa andlega vanlíðan á meðgöngu og eftir fæðingu.
Ingibjörg Thors sálfræðingur
ATH! Er ekki að taka nýja skjólstæðinga. Ingibjörg er sálfræðingur og einn af eigendum Mín líðan. Hún býður upp á almenna sálfræðiþjónustu fyrir fullorðna. Hún hefur sérhæft sig í gagnreyndum, árangursríkum meðferðum við kvíðaröskunum og hefur unnið undir handleiðslu erlendra sérfræðinga á þeim starfsvettvangi síðan árið 2012. Ingibjörg hefur sérstakan áhuga á að aðstoða þá sem glíma við kvíða, depurð, streitu/kulnun, lágt sjálfsmat eða þurfa aðstoð vegna áfalla. Ingibjörg getur veitt sálfræðiviðtöl eftir kl. 16 á daginn.
Arnar Ingi Friðriksson sálfræðingur
Arnar Ingi starfar sem sálfræðingur hjá Mín líðan og býður upp á sálfræðiþjónustu fyrir fullorðna. Arnar styðst fyrst og fremst við HAM (hugræn atferlismeðferð) en einnig ACT (acceptance and comittment therapy) og núvitund (mindfulness) – allt eftir þörfum hvers og eins. Arnar veitir sálfræðiþjónustu við hvers konar sálrænum vanda og brennur fyrir að aðstoða fólk að takast á við persónulegar áskoranir og bæta lífsgæði þess. Arnar veitir viðtöl á dagvinnutíma, á kvöldin og um helgar.
Unnur Samúelsdóttir sálfræðingur
Unnur Samúelsdóttir er sálfræðingur hjá Mín líðan og sinnir greiningu og meðferð á sálrænum vanda hjá fullorðnum og ungmennum. Hún sinnir m.a. meðferð og ráðgjöf vegna kvíðaraskana, meðferð við lágu sjálfsmati, þunglyndi og áfallastreituröskun. Unnur styðst fyrst og fremst við hugræna atferlismeðferð (HAM) og hugræna úrvinnslumeðferð (CPT).
Margrét Guðmundsdóttir sálfræðingur
Margrét er sálfræðingur hjá Mín líðan og býður upp á sálfræðiþjónustu fyrir fullorðna. Hún hefur sérstakan áhuga á að aðstoða þá sem glíma við samskiptavanda, lágt sjálfsmat, almenna kvíðaröskun og þunglyndi. Margrét notar aðeins gagnreyndar aðferðir í að draga úr sálrænum vanda.
Anna Margrét Skúladóttir sálfræðingur
Anna Margrét er sálfræðingur hjá Mín líðan líðan og býður upp á almenna sálfræðiþjónustu. Anna sinnir greiningu og meðferð sálræns vanda. Hún hefur sérhæft sig í gagnreyndum, árangursríkum meðferðum við áfallastreituröskun, kvíðaröskunum og depurð og unnið undir handleiðslu erlendra og íslenskra sérfræðinga á þeim starfsvettvangi síðan árið 2008. Anna hefur sérstakan áhuga á að aðstoða þá sem hafa gengið í gegnum áföll, sorg og missi eða þurfa aðstoð við kulnun/streitu, depurð, lágu sjálfsmati og samskiptavanda.
Alida Ósk Smáradóttir sálfræðingur
Alida Ósk er sálfræðingur hjá Mín líðan og býður upp á sálfræðiþjónustu fyrir ungmenni og fullorðna. Alida hefur mikla reynslu af ADHD greiningum hjá fullorðnum, en hún starfaði áður á geðsviði Landspítala. Alida beitir gagnreyndum aðferðum í að draga úr sálrænum vanda og hefur sérstakan áhuga á meðferð við ADHD og kvíðaröskunum (s.s. félagskvíða og almennri kvíðaröskun).
Sigríður Ósk Ólafsdóttir sálfræðingur
Sigríður Ósk er sálfræðingur hjá Mín líðan og býður upp á sálfræðiþjónustu fyrir fullorðna. Hún notar aðeins gagnreyndar aðferðir í að draga úr sálrænum vanda. Sigríður hefur sérstakan áhuga á að aðstoða þá sem eiga í vandræðum með depurð, sorg, kvíða eða tilvistarvanda.
ANNAÐ STARFSFÓLK MÍN LÍÐAN
Þeir sem hjálpa okkur að hjálpa þér
Sveinn Óskar Hafliðason fjármála- og markaðsstjóri
Sveinn Óskar er annar stofnanda Mín líðan og sér um fjár-, sölu- og markaðsmál fyrirtækisins. Hann lauk B.Sc. prófi í hagfræði frá Háskóla Íslands árið 2014, löggildingu í verðbréfamiðlun árið 2015 og mastersnámi í fjármálum (M.Fin) vorið 2019.
Rakel Rós A. Snæbjörnsdóttir svefnráðgjafi
Rakel er svefnráðgjafi hjá Mín líðan og veitir svefnráðgjöf í gegnum netið. Hún veitir svefnráðgjöf til foreldra barna á aldrinum 0-7 ára og hefur sérstakan áhuga á að aðstoða börn sem eru lengi að sofna á kvöldin, eru að vakna oft á nóttunni, vakna snemma á morgnana og vilja að börnin læri að sofna sjálf í eigin rúmi. Jafnframt ef foreldrar þurfa aðstoð við að taka á krefjandi hegðun tengt háttatímanum.
