Við erum til staðar fyrir þitt fyrirtæki!

Sálfræðingar Mín líðan bjóða upp á fræðsluerindi fyrir einstaklinga og hópa. Um er að ræða fyrirlestra og námskeið á staðnum eða í gegnum fjarfundarbúnað. Boðið er upp á fræðslu sérsniðna að þörfum fyrirtækja sé þess óskað. Fræðsluerindin henta t.d. vel á morgun- eða hádegisfundum eða í tengslum við fræðslustarfsemi innan fyrirtækja. Dæmi um umfjöllunarefni fyrirlestra:

• Streita og álag á vinnustað
• Samskipti á vinnustað
• Kvíði og depurð
• Sjálfsmynd
• Áhrif samfélagsmiðla á daglegt líf
• Góð ráð fyrir heimavinnu
• Aðferðir hugrænnar atferlismeðferðar (HAM) á vinnustað
• Fullkomnunarárátta
• ADHD á vinnustað

Hjá Mín líðan starfar fjölbreyttur hópur sálfræða sem veita fjarviðtöl fyrir starfsfólk fyrirtækja. Fjarviðtöl eru hefðbundin sálfræðiviðtöl sem fara fram í gegnum netið. Þar geta starfsmenn sótt ráðgjöf eða sálfræðimeðferð hjá löggildum sálfræðingum. Í fjarviðtölum er hægt að fá aðstoð við hvers konar sálrænum vanda. Fjarviðtöl eru veitt á íslensku og ensku.

• Hvert viðtal er 50 mínútur.
• Notaður er öruggur hugbúnaður sem samþykktur er af Embætti landlæknis.
• Fjarviðtölum má sinna hvar sem er - hægt að bóka frá kl. 08:00 til 22:00.

Mín líðan býður stjórnendum (og öðru starfsfólki) fyrirtækja upp á stjórnendaþjálfun. Þjálfunin felur í sér handleiðslu frá sálfræðingi í gegnum fjarviðtöl þar sem unnið er með einstaklinginn í heild. Unnið er að því að verða betri stjórnandi eða veitt aðstoð við að glíma við erfið málefni sem koma upp í vinnu eða annað sem óskað er eftir. Stjórnendaþjálfun er veitt á íslensku og ensku.

• Meiri dýpt en í hefðbundnu sálfræðiviðtali.
• Gagnast öllum stjórnendum (eða starfsfólki sem þarf á handleiðslu að halda).
• Notaður er öruggur hugbúnaður sem samþykktur er af Embætti landlæknis.

Starfsfólki fyrirtækja býðst fimm tíma námskeið við einkennum streitu sem fer fram í vefkerfi Mín líðan. Námskeiðið er uppbyggt af skiflegri fræðslu, æfingum, spurningalistanum og verkefnabók. Hægt er að senda sálfræðingi skilaboð á meðan námskeiðinu stendur. Farið er yfir árangursríkar aðferðir til að draga úr streitu í daglegu lífi. Áhersla er lögð á að setja sjálfan sig í fyrsta sæti, forgangsraða verkefnum, auka vellíðan og draga úr óraunhæfum kröfum. Kenndar er ýmsar slökunaraðferðir (t.d. öndun / hugleiðsla).

• Námskeiðið er opið í 10 vikur frá kaupum.
• Aðgangur að verkefnabók í enda hvers tíma með samantekt á efni og æfingum.
• Einstaklingurinn fer í gegnum námskeiðið á sínum hraða.
• Hægt er að sinna námskeiðinu hvar og hvenær sem er.
• Auðkenning með rafrænum skilríkjum.

Starfsfólki fyrirtækja býðst 10 tíma staðlaðar sálfræðimeðferðir við einkennum kvíða, þunglyndis, félagskvíða og lágs sjálfsmats sem fara fram í vefkerfi Mín líðan. Meðferðin samanstendur af fræðslu, verkefnum, æfingum og spurningalistum. Sálfræðingur gefur endurgjöf á verkefni og hægt er að senda sálfræðingi skilaboð hvenær sem er. Öll samskipti fara fram með skrifuðum texta. Hver meðferð er opin í 14 vikur og er aðeins veitt af löggildum sálfræðingum.

• Spurningalista Mín líðan má nota til að meta hvaða meðferð hentar best.
• Enginn biðtími, hægt er að sinna meðferðinni hvar og hvenær sem er.
• Auðkenning með rafrænum skilríkjum.