FJARGEÐHEILBRIGÐISÞJÓNUSTAN MÍN LÍÐAN

Um okkur

Mín líðan hefur veitt sálfræðiþjónustu á netinu frá árinu 2018 og þar starfa tíu löggildir sálfræðingar. Byrjað var að bjóða upp á 10 tíma staðlaða sálfræðimeðferð á netinu þar sem öll samskipti við sálfræðing fara fram með skrifuðum texta. Árið 2019 byrjaði Mín líðan að bjóða upp á fjarviðtöl, sem eru hefðbundin sálfræðiviðtöl í gegnum netið. Árið 2022 var 5 tíma netnámskeiði við streitu bætt við. Mín líðan var fyrsta íslenska fjarheilbrigðisþjónustan sem fékk leyfi til reksturs frá Embætti landlæknis.

VIÐ NOTUM AÐFERÐIR SEM VIRKA

Gagnreyndar og árangursríkar aðferðir

Hjá Mín líðan er lögð áhersla á að bæta andlega heilsu með árangursríkum, gagnreyndum aðferðum sem sýnt hefur verið fram á með rannsóknum að virki. Markmið Mín líðan er fyrst og fremst aukið aðgengi að sálfræðiþjónustu ásamt því að bjóða upp á árangursríka og hagstæða sálfræðimeðferð með tilliti til kostnaðar og tíma. Í öðrum löndum er sálfræðimeðferð á netinu vinsælt meðferðarúrræði og er mikilvægt að Íslendingar fái þjónustu í samræmi við nýjustu tækni.

Mín líðan gerir fleirum kleift að leita sér aðstoðar vegna sálræns vanda. Ekki hika við að senda póst á minlidan@minlidan.is ef þú hefur einhverjar spurningar.

SAGA MÍN LÍÐAN

Styrkir og viðurkenningar

Byrjað var að vinna að sálfræðiþjónustu Mín líðan vorið 2015 og fór vefsíðan í loftið í byrjun maí 2018. Til að komast á þann stað sem Mín líðan er á í dag var sótt um ýmsa nýsköpunarstyrki. Starfsfólk Mín líðan er gífurlega þakklátt fyrir þá sjóði sem hafa síðastliðin ár haft trú á verkefninu og veitt því styrk.

Júní 2021

Styrkur frá VIRK starfsendurhæfingasjóði til að þróa netnámskeið við einkennum streitu sem fer fram í gegnum vefkerfi Mín líðan.

Maí 2020

Markaðstyrkur frá Tækniþróunarsjóði ætlaður nýsköpunarfyrirtækjum vegna markaðsátaks og uppbyggingu innviða fyrirtækisins sem tengjast sókn á markaði.

Mars 2019

Mín líðan hlaut verðlaun fyrir vefkerfi ársins 2018 á Íslensku vefverðlaununum sem veitt eru af Samtökum vefiðnaðarins.

Janúar 2018

Styrkur frá Tækniþróunarsjóði ætlaður ungum nýsköpunarfyrirtækjum og frumkvöðlum.

September 2017

Samið var við Velferðarráðuneytið um styrk fyrir tilraunaverkefni í fjargeðheilbrigðisþjónustu.

Júní 2017

Styrkur frá Lýðheilsusjóði sem stuðlar að heilsueflingu og forvörnum. Mín líðan fékk styrk til að veita 20 nemendum í framhaldsskóla meðferð þeim að kostnaðarlausu.