Glímir barnið þitt við svefnvanda?

Svefnráðgjöf er ráðgjöf til foreldra varðandi svefn barna. Ráðgjöfin byggir á upplýsingum sem foreldrar veita, gagnaöflun um svefninn og gagnreyndum aðferðum um hvað virkar til að bæta svefn. Ekki er þörf á svefnráðgjöf nema foreldrar upplifi svefn barn síns sem vandamál eða svefnmynstrið hefur neikvæð áhrif á líðan og hegðun barnsins eða foreldranna. Sem dæmi má nefna að hjá sumum fjölskyldum er vandamál þegar barnið kemur alltaf upp í, því bæði barn og foreldrar sofa verr en hjá öðrum fjölskyldum hefur þetta ekki áhrif á gæði svefns og öll í fjölskyldunni sátt með fyrirkomulagið. Því er aðeins veitt ráðgjöf varðandi það sem fjölskyldan vill breyta og upplifir sem vanda. Í ráðgjöfinni eru aðeins notaðar aðferðir sem fjölskyldan er sátt með og vellíðan barnsins höfð í fyrirrúmi.

Fjarviðtöl eru hefbundin viðtöl í gegnum netið, sem fara fram með öruggum hætti. Þau eru eins og viðtöl við svefnráðgjafa á staðinum, eini munurinn er að þú átt samskipti við þinn svefnráðgjafa í gegnum netið. Í fjarviðtölum getur þú fengið aðstoð við hvers konar svefnvanda barna á aldrinum 0-7 ára.

Þú ýtir á 'Óska eftir viðtali' hér fyrir ofan. Þá getur þú lesið nánar um Rakel, svefnráðgjafa Mín líðan. Þú ýtir á 'Bóka tíma' hjá Rakeli og flyst þá yfir á síðu Kara Connect, sem er hugbúnaðurinn sem notaður er fyrir fjarviðtölin. Þar ýtir þú á 'Óska eftir þjónustu' og skráir grunnupplýsingarnar þínar. Þér verður boðinn tími í gegnum tölvupóst sem þú getur samþykkt eða hafnað.

1) Verð fyrir viðtal nr. 1 (1 klst): 17.000kr. Verð fyrir viðtal nr. 2 (1 klst): 17.000kr. Verð fyrir viðtal nr. 3 (30 mín): 10.000 kr. Hver auka stöðufundur (15 mín): 5.000kr. Ekki er nauðsynlegt að skuldbinda sig í þrjú viðtöl en þó eru mestar líkur á árangri með því móti. 2) Áður en þú mætir í viðtal hjá svefnráðgjafa ertu beðin(n) um að fylla inn kortaupplýsingar á heimasvæði Kara Connect. Greiðsla fyrir viðtalið er dregin af kortinu að því loknu. Hægt er að fá greiðslukvittun á heimasvæði Kara Connect. 3) Svefnráðgjöf fellur ekki undir almenna sálfræðiþjónustu og er því ekki niðurgreidd af stéttarfélögum.

Í fyrsta viðtali fær atferlisfræðingur upplýsingar hjá foreldrum um svefnvandann og fyllir út í matslista um eðli svefnvandans. Foreldrar fá jafnframt kynningu á svefndagbók sem þeir fylla út í. Í kjölfar fyrsta viðtals undirbýr atferlisfræðingur einstaklingsmiðaða íhlutun til að takast á við vandann. Mælt er með að koma í að minnsta kosti þrjú viðtöl. Í öðru viðtali fá foreldrar kynningu á þeim leiðum sem hægt er að nota til að takast á við svefnvandann og fá kennslu í noktun þeirra skref fyrir skref. Í þriðja viðtali er stöðufundur til að skoða hvernig áhrif breytingarnar hafa á svefninn og endurskoðun á íhlutun ef þörf er á.

Nauðsynlegt er að afbóka fjarviðtal daginn áður til að komast hjá gjaldtöku. Ef afbókað er eftir kl. 16 daginn fyrir viðtalið er rukkað fullt gjald. Einnig er rukkað fullt gjald fyrir fjarviðtöl sem ekki er mætt í. Þú getur afbókað viðtal með því að senda tölvupóst á rakel@minlidan.is.

1) Já. Mín líðan notar Kara Connect til að veita fjarviðtöl. Kara er öruggur hugbúnaður þar sem unnt er að eiga samskipti á aðgengilegan hátt. Kara fylgir ítrustu öryggiskröfum persónuverndar varðandi persónuupplýsingar og gögn um skjólstæðinga. 2) Enginn hefur aðgang að gögnum um þig nema þú og þinn svefnráðgjafi.

Hægt er að hala niður Kara Connect appinu (til í Play Store eða App store) og mæta þar í myndfund. Best er að nota Google Chrome, nema ef notaður er iphone/ipad, þá er mælt með að nota Safari.